मुंबई : ज्येष्ठ निर्माते-दिग्दर्शक पुरुषोत्तम बेर्डेंना मराठी वाद्यवृंद निर्माता संघाचा जीवनगौरव पुरस्कार

मराठी व्यावसायिक वाद्यवृंद निर्माता संघ (मुंबई) यांच्यातर्फे यंदाचा जीवन गौरव पुरस्कार ज्येष्ठ निर्माता- दिग्दर्शक पुरुषोत्तम बेर्डे यांना देण्यात आला… तर  अभिनेते प्रशांत दामले यांना विशेष कलागौरव पुरस्काराने सन्मानित करण्यात आलं. माटुंग्याच्या यशवंत नाट्य मंदिरात हा पुरस्कार सोहळा नुकताच पार पडला.  सरकार दरबारी नाट्य, सिनेमा, लोककला क्षेत्राला विविध पुरस्कार आणि मानसन्मान दिले जातात. पण, वाद्यवृंदातील कलाकार आजही उपेक्षित आहेत. त्यांच्याही कलेचा सन्मान केला जावा म्हणून कलाकारांना सोबत घेऊन गेली चार वर्षे हा पुरस्कार सोहळा आयोजित केला जातोय.