मुंबई : मुंबई सत्र न्यायालयाच्या तिसऱ्या मजल्यावरील आग आटोक्यात

मुंबईतील आगीचं सत्र थांबण्याचं नाव घेत नाही. आज सकाळी साडेसातच्या सुमारास मुंबई सत्र न्यायालय परिसरात आग लागली. मुंबई सत्र न्यायालयाच्या तिसऱ्या मजल्यावर ही आग लागली होती. आगीची माहिती मिळताच अग्निशमन दलाच्या ६ गाड्या घटनास्थळी दाखल झाल्यात आणि आगीवर नियंत्रण मिळवलं.
सकाळची वेळ असल्यामुळे न्यायालय बंद होतं. त्यामुळे कुठलीही जीवितहानी झालेली नाही. मात्र, गेल्या काही दिवसांपासून मुंबईमध्ये आगीच सत्र सुरुच असल्यामुळं नागरिकांमध्ये चिंतेचं वातावरण पसरलंय.