मुंबई : महिला शिवसैनिकांनी विभाग प्रमुखाच्या श्रीमुखात लगावली

शिवसेनेचे ईशान्य मुंबई विभाग प्रमुख राजेंद्र राउत यांना शिवसैनिक महिलांनी श्रीमुखात लगावली आहे. काही दिवसांपूर्वी शिवसेनेच्या महिला आघाडीची नियुक्ती करण्यात आली. मात्र ती काही महिलांना मान्य नव्हती, त्याचा राग मनात धरून हा प्रकार घडल्याची माहिती आहे. काल गोवंडीत शिवसेनेच्या वतीनं एका कार्यक्रमाचं आयोजन करण्यात आलं होतं. त्यावेळी हा प्रकार घडला. त्यामुळे शिवसेनेचा अंतर्गत वाद पुन्हा एकदा चव्हाट्यावर आला आहे.