मुंबई : सारा तेंडुलकरच्या नावे फेक अकाऊण्ट, आरोपी गजाआड

मुंबई : मास्टर ब्लास्टर सचिन तेंडुलकरची कन्या साराच्या नावाने फेक ट्विटर अकाऊंट उघडणाऱ्या इंजिनिअरला पोलिसांनी बेड्या ठोकल्या आहेत. आरोपी नितीश शिसोदे याने साराच्या बनावट अकाऊण्टवरुन राष्ट्रवादीचे अध्यक्ष शरद पवारांबद्दल आक्षेपार्ह ट्वीट केलं होतं.

नितीश शिसोदे हा सॉफ्टवेअर इंजिनिअर असून त्याने साराच्या नावानं पाच महिन्यांपूर्वी फेक ट्विटर अकाऊंट तयार केलं होतं. पोलिसांनी मुंबईतील अंधेरी भागातून बुधवारी नितीनला बेड्या ठोकल्या. त्याला 9 तारखेपर्यंत पोलिस कोठडी सुनावण्यात आली आहे.