मुंबई: नवरंग स्टुडिओची आग आटोक्यात, अग्निशमन दलाचा कर्मचारी जखमी

मुंबईच्या लोअर परेल भागात असलेल्या नवरंग स्टुडिओला रात्री भीषण आग लागली. रात्री 1 वाजता ही दुर्घटना घडली.
अग्निशामक दलाच्या 12 गाड्यांच्या मदतीने आग आटोक्यात आणण्यात यश आलं. अग्निशमन दलाच्या अथक प्रयत्नांनंतर पहाटे 3 वाजता आगीवर नियंत्रण मिळवण्यात यश आलं. मात्र, ही आग विझवताना अग्निशामक दलाचा एक कर्मचारी जखमी झालाय. त्याला उपचारासाठी नायर रुग्णालयात दाखल करण्यात आलंय.