मुंबई : मे महिन्यात कोस्टल रोडचं काम सुरु होणार, पालिका आयुक्तांची माहिती

मुंबई कोस्टल रोडच्या कामाला येत्या मे महिन्यापासून सुरुवात होणार असल्याची माहिती पालिका आय़ुक्तांनी दिली आहे. निविदा प्रक्रियेचं काम शेवटच्या टप्प्यात असल्याचं त्यांनी सांगितलं. मॅग्नेटिक महाराष्ट्र कार्यक्रमात आयुक्त अजॉय मेहता बोलत होते. कोस्टल रोड दोन टप्प्यात होणार आहे. पहिला टप्पा मारिन ड्राइव्ह ते वरळी बांद्रा सी लिंकपर्यंत मुंबई महापालिकेची जबाबदारी असणार आहे तर बांद्रा सी लिंक ते वर्सोवापर्यंतच्या दुसऱ्या टप्प्याचं काम एमएसआरडीसी करणार आहेत. कोस्टल रोडचा पहिला टप्पा 9.8 किमी लांबीचा असेल, त्यात गिरगाव चौपाटी ते पेडर रोड पर्यंत समुद्रखालून असणार आहे.