मुंबई : मुंबई मॅरेथॉनच्या महिला गटात संजीवनी जाधव आणि मोनिका आथरे विजयी

मुंबई मॅरेथॉनमध्ये पुन्हा एकदा इथियोपियन धावपटूंचं वर्चस्व पाहायला मिळालं. विशेष म्हणजे हाफ मॅरेथॉनच्या पुरुष गटामध्ये सैन्य दलातील धावपटूंनी, तर महिला गटात नाशिकच्या मराठमोळ्या मुलींनी बाजी मारली. हाफ मॅरेथॉनमध्ये एकूण तिघा मराठी धावपटूंनी आपला ठसा उमटवला.

जानेवारी महिन्याचा तिसरा रविवार आणि मुंबई मॅरेथॉन हे समीकरण ठरलेलं आहे. सलग अकराव्या वर्षी मुंबई मॅरेथॉनमध्ये स्पर्धकांचा उत्साह पाहायला मिळत आहे. प्रोकॅम इन्टरनॅशनलच्या वतीनं आज टाटा मुंबई आंतरराष्ट्रीय मॅरेथॉनचं आयोजन करण्यात आलं.