State Budget | अर्थसंकल्प फुटल्याचा आरोप, मुनगंटीवारांच्या भाषणादरम्यान विरोधकांचा सभात्याग | ABP Majha

अर्थसंकल्प फुटल्याचा आरोप करत विरोधकांनी सुधीर मुनगंटीवारांचं भाषण सुरू असताना गोंधळ घातला. यावेळी अजित पवारांनी अर्थसंकल्पाच्या  प्रती दाखवत सभागृहात आक्षेप नोंदवला. सुधीर मुनगंटीवार अर्थसंकल्प मांडत असताना, त्यांच्या अधिकृत ट्विटर अकाऊंटवर अर्थसंकल्पातले मुद्दे ग्राफिक्ससह पोस्ट होत होते. त्यावर बोट ठेवत विरोधकांनी अर्थसंकल्प फुटल्याचा आरोप केला. दरम्यान ज्यावेळी हा गोंधळ सुरू होता. त्यावेळी सुधीर मुनगंटीवार ओबीसीसंदर्भातल्या योजनांचं वाचन करत होते. त्यामुळं ओबीसींच्या हक्कांची घोषण करताना विरोधक बाधा आणत असल्याचा पलटवार सुधीर मुनगंटीवारांनी केला. अखेर विरोधकांनी सभात्याग केला.  दरम्यान या गोंधळानंतर मुख्य़मंत्री देवेंद्र फडणवीस यांनी विरोधकांच्या आक्षेपाला उत्तर दिलं.