मुंबई: महिलेला फसवून ओमानला पाठवणाऱ्या दोन एजंट्सना अटक

एबीपी माझाच्या बातमीनंतर अंबरनाथच्या फरीदा खानला फसवून ओमानला पाठवणाऱ्या दोन एजंट्सना पोलिसांनी अटक केलीय. याप्रकरणी राज्य महिला आयोगाने ठाणे पोलीस आयुक्तांना कारवाईचे निर्देश दिले होते. इम्रान शेख आणि इकबाल शेख अशी या दोघांची नावे आहेत. या दोघांनी फरीदा खान हिच्या गरीब परिस्थितीचा फायदा घेत तिला आखाती देशात चांगल्या पगाराच्या नोकरीचं आमिष दाखवलं होतं. त्यानंतर तिला दुबई आणि तिथून ओमानला पाठवून एका अरब कुटुंबाच्या घरी घरकामासाठी डांबून ठेवलं होतं.