एबीपी माझा आयोजित 'ब्लॉग माझा 2018' स्पर्धेचा निकाल जाहीर | मुंबई | एबीपी माझा

'एबीपी माझा'तर्फे दरवर्षी 'ब्लॉग माझा' स्पर्धा आयोजित करण्यात येते. 'माझा महाराष्ट्र, डिजिटल महाराष्ट्र' या कार्यक्रमात 'ब्लॉग माझा 2018' स्पर्धेचा निकाल जाहीर करण्यात आला. पंकज समेळ यांच्या 'महाराष्ट्र देशा' ब्लॉगची प्रथम क्रमांकासाठी निवड करण्यात आली आहे. प्रथम, द्वितीय, तृतीय असे तीन आणि पाच उत्तेजनार्थ विजेत्यांची निवड करण्यात आली आहे. स्पर्धेत सहभागी झालेल्या शेकडो ब्लॉगर्समधून टॉप ब्लॉग निवडणं, हे परीक्षकांसमोरील मोठं आव्हान होतं. या स्पर्धेसाठी परीक्षक म्हणून ज्येष्ठ पत्रकार मुकेश माचकर आणि 'अक्षरनामा'चे संपादक राम जगताप यांनी काम पाहिलं.