भोपाळ : देवासमधील छापखान्यातून नोटांची चोरी, पोलीस अटकेत

घर, दुकानं किंवा बँकांमधून पैसे चोरीच्या अऩेक घटना घडतात, मात्र मध्य प्रदेशातल्या देवासमध्ये चक्क नोटांच्या छपाई कारखान्यातून लाखोंची चोरी झाल्याचं उघडकीस आलं आहे.  मागच्या 3 महिन्यांपासून छपाई कारखान्यात अधिकारीपदावर असणाऱ्या पोलीस निरीक्षकानंच नोटांची बंडलं लांबवण्याचा उद्योग सुरु केला होता.. आपल्या बुटात पाचशे-पाचशे रुपयांची बंडलं लपवून त्याने हा काळाबाजार सुरु केला.  मनोहर वर्मा असं या अधिकाऱ्याचं नाव आहे.  वरिष्ठ पोलीस निरीक्षक असल्याने त्याची तपासणी होत नव्हती, याचाच फायदा घेऊन मागच्या 3 महिन्यात मनोहर वर्मानं तब्बल 90 लाख रुपये चोरल्याची माहिती आहे. काल त्याला रंगेहाथ पकडलं गेलं.  नोटांची पडताळणी करुन त्या कायम ठेवणं किंवा त्यांना रद्द करण्याची जबाबदारी या अधिकाऱ्यावर होती.