भोपाळ : मंदसौरमध्ये 7 वर्षाच्या मुलीवर बलात्कार, ग्रामस्थ रस्त्यावर

मध्य प्रदेशमधील मंदसौर येथे 7 वर्षांच्या मुलीसोबत झालेल्या सामूहिक बलात्कानं आज देश हळहळला. आरोपींनी बलात्कार केल्यानंतर चिमुकलीचा गळा धारदार शस्त्रानं चिरून तिच्या हत्येचाही प्रयत्न केला. त्यामुळे लोकांनी, विशेषत: महिलांनी मोठ्या संख्येनं रस्त्यावर उतरत आरोपींना भरचौकात फाशी देण्याची मागणी केली आहे.  या प्रकरणी पोलिसांनी दोन आरोपींना बेड्य़ा ठोकल्यात, तर आरोपींनी आपला गुन्हा मान्य केल्याचं कळतंय. चिमुकलीला उपचारांसाठी इंदूरच्या एमवाय रुग्णालयाच्या आयसीयूत दाखल करण्यात आलं आहे.