VIDEO | दुसऱ्या टप्प्यातील प्रचारतोफा थंडावणार, कोणकोणत्या प्रमुख लढती | ब्रेकफास्ट न्यूज | एबीपी माझा

लोकसभा निवडणुकीच्या दुसऱ्या टप्प्यातील प्रचाराच्या तोफा आज थंडावणार आहेत. महाराष्ट्रातील दहा मतदारसंघांमध्ये येत्या गुरुवारी म्हणजेच 18 एप्रिल 2019 रोजी मतदान होणार आहे. देशभरातील 13 राज्यांमधल्या एकूण 97 मतदारसंघांमध्ये मतदान होणार आहे.

महाराष्ट्रात चार टप्प्यांमध्ये मतदान होणार असून दुसऱ्या टप्प्यात विदर्भ-मराठवाडा-पश्चिम महाराष्ट्रातील एकूण दहा जागांचा समावेश आहे. विदर्भातील अकोला, अमरावती, बुलडाणा, मराठवाड्यातील हिंगोली, नांदेड, परभणी, बीड, उस्मानाबाद, लातूर आणि पश्चिम महाराष्ट्रातील सोलापूर शहर या मतदारसंघांमध्ये मतदानाची प्रक्रिया पार पडेल.