कोल्हापुरातील 13 गावांमध्ये 4 दिवस पाणीकपात, पुण्यातही गुरुवारी पाणीपुरवठा बंद

कोल्हापुरातील 13 गावांमध्ये उद्यापासून 4 दिवस तर गुरूवारी पुण्यात पाणीपुरवठा बंद राहणार आहे.
कोल्हापुरातील काणेरीवाडीजवळ जलशुद्धीकरण केंद्राकडे जाणारी वाहिनी बदलण्याच्या कामामुळे पाणीपुरवठा बंद राहील.
तर पुण्यातील पर्वती जलकेंद्रासह 4 पंपिंग स्टेशन दुरूस्तीसाठी बंद करण्यात आल्यानं पाणीपुरवठा होणार नाहीये.
त्यामुळे गुरूवारसोबतच शुक्रवारीही काही भागांमध्ये कमी-जास्त दाबानं पाणी येईल.
कोल्हापुरातील गांधीनगर, मुडशिंगी, शांतीनगरसह 13 गावांमध्ये पुढचे चार दिवस पाणीपुरवठा होणार नाहीये. ऐन उकाड्यात पाणीपुरवठा होणार नसल्यानं लोकांचे हाल होणारेत.