VIDEO | लहान मुलांच्या क्रिकेट सामन्यातील वाद, दोन गटात राडा, पोलिसांवर दगडफेक | कोल्हापूर | Abp Majha

लहान मुलांच्या क्रिकेटच्या सामन्यातील वादानंतर महाराणा प्रताप चौक परिसरात रात्री दोन गटांत तुफान दगडफेक आणि मारामारी झाली. रात्री आठच्या सुमारास घडलेल्या या घटनेने परिसरात प्रचंड तणाव निर्माण झाला.
घटनास्थळी दाखल झालेल्या पोलिसांवरही दगडफेक करण्यात आली. यात लक्ष्मीपुरीचे पोलिस निरीक्षक वसंत बाबर यांच्यासह दोन कर्मचारी जखमी झाले. या घटनेत आणखी सहाजण जखमी झाले आहेत. यावेळी जमावाने परिसरातील वाहनांची मोडतोड केली. त्यात चार वाहनांचे नुकसान झाले. परिसरातील चार ते पाच घरांवर दगडफेक करण्यात आली. सुमारे अर्धा तास सुरू असलेल्या या प्रकारामुळे परिसरात दहशत निर्माण झाली.