नवी मुंबई : खारघरमध्ये तलावात बुडून तिघांचा मृत्यू

खारघरच्या तलावात तीन जणांचा बुडून मृत्यू झाला आहे. यातील एकाचा मृतदेह सापडला असून दोघांचा शोध सुरू आहे. तळोजा कारागृहासमोरच्या तलाव परिसरात ही घटना घडली.  तिघेही 15 ते 20 वर्ष वयोगटातील असल्याची माहिती मिळत आहे. या तिघांपैकी एकजण पाण्याचा अंदाज न आल्यानं तलावात बुडाला. त्याला वाचवण्यासाठी गेले असताना इतर दोघेही तलावात बुडाले.