लखनऊ : 3 गाद्यांमध्ये 100 कोटीच्या जुन्या नोटा, कानपूरमध्ये जुन्या नोटांचं घबाड

नोटबंदीला वर्षपूर्ती झाली. त्यानंतरही जुन्या नोटांचं घबाड काही संपताना दिसत नाही. कानपूरमध्ये तब्बल 100 कोटींच्या जुन्या नोटा सापडल्या आहेत. विशेष म्हणजे या नोटा गादीमध्ये होत्या. अशा तीन गाद्या पोलिसांनी ताब्यात घेतल्या आहेत.

एका बिल्डर आणि कपडा व्यापाऱ्याच्या घरातून या नोटा जप्त करण्यात आल्या आहेत. एनआयए आणि उत्तर प्रदेश पोलिसांनी संयुक्तपणे छापेमारी करुन ही कारवाई केली.

याप्रकरणी पोलिसांनी 10 जणांना ताब्यात घेतलं आहे.  यात जुन्या नोटा बदलून देणाऱ्यांचं रॅकेट असल्याचा संशय आहे. कानपूर पोलीस पुढील तपास करत आहेत.