मुंबई : कल्याण स्थानकात दोन चिमुकल्या मुलींना सोडून बाप पसार

दोन चिमुकल्या मुलींना रेल्वे स्टेशनवर सोडून बाप पसार झाल्याची संतापजनक घटना कल्याण रेल्वे स्थानकात घडली आहे. हा सगळा प्रकार फलाटावरच्या सीसीटीव्हीत कैद झाला असून यानंतर पोलीस या निर्दयी बापाचा शोध घेत आहेत.

कल्याण रेल्वे स्थानकाच्या फळात क्रमांक सातवर रविवारी संध्याकाळी साडेआठच्या सुमारास एक इसम आपल्या दोन मुलींना घेऊन आला. कसारा दिशेच्या एका पोलखाली त्याने मुलींना बसवलं. काही वेळाने मुली झोपी गेल्या, आणि हीच संधी साधत या निर्दयी बापाने तिथून पलायन केलं.