गांधीनगर/ गुजरात : भारताचे जवान हल्ल्याचं चोख प्रत्युत्तर देत आहेत : राजनाथ सिंह

जम्मूच्या सैन्य कॅम्पवर झालेल्या हल्ल्यात भारताचा एक जवान शहीद झाला आहे. तर इतर ४ जण जखमी झाल्याची माहिती आहे. पठाणकोर्ट महामार्गावरच्या जवानांच्या कॅम्पवर आज ३ ते ४ दहशतवाद्यांनी पहाटे ४ वाजता हल्ला केला. तेव्हापासून आतापर्यंत या भागात भारतीय जवान आणि दहशतवाद्यांमध्ये चकमक सुरु आहे. कॅम्प रहिवाशी भाग असल्यामुळे याठिकाणी दहशतवाद्यांना प्रतिकार करताना जपून पावलं उचलावी लागत आहेत. स्थानिक वृत्तवाहिन्यांच्या माहितीनुसार आतापर्यंत एका दहशतवाद्याचा खात्मा झाला आहे. मात्र इतर दहशतवादी लपून बसल्याची माहिती आहे.