Pakistan Army | पाकिस्तानकडून सीमेवर 2 हजार सैनिकांच्या तुकड्या तैनात | ABP Majha

पाकिस्तानच्या युद्धाच्या धमक्यांना भारत भीक घालत नाही हे कळल्यानंतर आता पाकिस्तान थेट सीमेवर गस्त वाढवली आहे. पाकिस्तानने पीओकेतील बाघ आणि कोटली सेक्टरमध्ये 2 हजार सैन्यांच्या तुकड्या तैनात केल्या आहेत. नियंत्रण रेषेजवळ असणाऱ्या भागामध्ये पाकिस्तानने सैन्याची गस्त वाढवल्याची माहिती टाईम्स ऑफ इंडियाने सूत्रांच्या हवाल्याने दिली. नियंत्रण रेषेपासून ३० किलोमीटरच्या भागामध्ये पाकनं सैनिकांना तैनात केले आहेत. दरम्यान पाकिस्तानी सैन्याच्या हालचालींवर बारीक नजर असल्याचे भारतीय लष्कराने म्हटलं आहे. त्याचप्रमाणे लष्कर-ए-तैयबा आणि जैश-ए-मोहम्मद या दहशतवादी संघटना स्थानिक आणि अफगाणी तरुणांना दहशतवादाचं प्रशिक्षण देत असल्याची माहिती समोर आली आहे.