जळगाव: महापौर ललित कोल्हे यांचा भाजपात प्रवेश

राजकीय मंडळी आपल्या भविष्याच्या विचारानं किती अस्थीर असतात याचाच प्रत्यय जळगावमध्ये आलाय. जळगाव महापालिकेचे महापौर ललित कोल्हे यांनी आज भाजपमध्ये प्रवेश केलाय. जलसंपदामंत्री गिरीश महाजन यांच्या उपस्थितीत कोल्हे यांनी ६ नगरसेवकांसह भाजपमध्ये प्रवेश केलाय. महत्वाची बाब म्हणजे कोल्हे यांनी दोन दिवसांपूर्वी मनसेतून शिवसेनेत प्रवेश केला होता. शिवसेनेत त्यांचा पाहूणचार होण्याआधीच त्यांनी भाजपात उडी मारलीय. जळगाव महापालिका निवडणुकची रणधुमाळी आता सुरु झालीय. त्यामुळे नेते आणि कार्यकर्त्यांच्या उड्याही तितक्याच गतीने सुरु झाल्या आहेत.