जळगाव : हतनूर धरणाचे 10 दरवाजे उघडले, तापी नदी खळाळली

जळगाव जिल्ह्यातल्या हतनूर धरणाचे 10 दरवाजे उघडण्यात आले आहेत. यामुळे तापी नदी यंदाच्या मोसमात पहिल्यांदा खळाळून वाहते आहे. मध्यप्रदेशात झालेल्या मुसळधार पावसामुळे हे दरवाजे उघडण्यात आले आहेत.  दहा दरवाज्यातून 90.60 क्युसेक्स इतका पाण्याचा विसर्ग होतो आहे.  भुसावळ तालुक्यातल्या तापी नदीवर असलेलं हतनूर धरण हे जळगावातील एक मुख्य धरण आहे.