नवी दिल्ली : किरकोळ महागाई दरात सलग दुसऱ्यांदा वाढ

ग्राहक मुल्य निर्देशांक म्हणजेच किरकोळ महागाई दरात सलग दुसऱ्यांदा वाढ झाल्याची माहिती, सांख्यिकी विभागाकडून देण्यात आलीय. ऑक्टोबरमध्ये हा दर ३ पुर्णांक ४८ टक्क्यांवर होता. त्यात वाढ होऊन नोव्हेंबरचा दर ४ पुर्णांक ८८ टक्क्यांवर पोहोचलाय. सांख्यिकी विभागानं जाहीर केलेल्या आकडेवारीनूसार गेल्यावर्षी नोव्हेंबरमध्ये किरकोळ महागाई दर ३ पुर्णांक ६३ टक्के इतका होता. खाद्यान्य आणि इंधनाचे दर वाढण्याची शक्यता रिझर्व बँकेनं व्यक्त केली होती. त्याचबरोबर तंबाखुजन्य पदार्थ, कपडे आणि गृह उपयोगी वस्तूंच्या दरातही नोव्हेंबरमध्ये वाढ झाल्याचं दिसून आलंय.