कोलकाता: खऱ्या बंदुकीला खेळण्यातली बंदूक समजून चिमुकलीचा आईवर गोळीबार

खऱ्या बंदुकीला खेळण्यातली बंदूक समजून एका लहान मुलीनं चक्क आपल्या आईवर चुकून गोळी झाडल्याची घटना कोलकात्यात घडली आहे.  घराबाहेर मुलीच्या आईलाच ही बंदूक सापडली होती. मात्र ही बंदूक खेळण्यातली असावी असं समजून आईनं ती बंदूक आपल्या मुलीला खेळायला दिली. आणि खेळता-खेळता मुलीनं बंदुकीचा ट्रिगर दाबला.. आणि त्यातून सुटलेली गोळी तिच्या आईच्या पाठिला लागली.. दरम्यान, महिलेवर सद्या रुग्णालयात उपचार सुरु आहेत. कोलकाताच्या हुबळी भागात ही घटना घडली आहे.  मात्र घराच्या बाहेर लोडेड बंदूक कशी काय आढळली, याचा तपास पोलीस करत आहेत.