VIDEO | वाशी एपीएमसीत हापूसची आवक वाढली, भाव घसरला | नवी मुंबई | एबीपी माझा

वाशीच्या एपीएमसी मार्केटमध्ये गेल्या आठवड्याभरापासून हापूस आंब्यांची आवक मोठ्या प्रमाणात वाढली आहे. त्यामुळे हापूस आंब्याचा भाव घसरला आहे. 300 ते बाराशे रुपये डझनप्रमाणे मिळणारा हापूस आता 200 रुपये प्रति डझन भावाने मिळत आहे. किंमत कमी झाल्यामुळं खवय्यांना हापूसवर ताव मारण्याची चांगली संधी मिळाली आहे. फळ मार्केटमध्ये दिवसाला दीड लाख पेटी हापूस आंबा दाखल होतोय. त्यातील एक लाख पेटी या कोकणातील रत्नागिरी, सिंधुदुर्ग, रायगड जिल्ह्यातून येतात. तर 50 हजार पेट्या केरळ आणि कर्नाटकमधून येत आहेत.