गोंदिया : शेतजमिनीतलं अतिक्रमण हटवण्यासाठी शेतकऱ्याचं शोले स्टाईल आंदोलन

गोंदियामध्ये शेतजमिनीतलं अतिक्रमण हटवण्याच्या मागणीसाठी एका शेतकऱ्याने चक्क शोले स्टाईल आंदोलन केलं. यावेळी हा शेतकरी १२० फूट उंच टाकीवर चढला होता. गोरेगाव तालुक्यातील भडंगा गावामध्ये हा प्रकार घडलाय. कोमल कटके या शेतकऱ्याच्या शेतजमिनीवर अतिक्रमण झालं होतं. या प्रकरणात न्यायालयीन लढाई जिंकल्यावर कोर्टाने तहसील कार्यालयाला अतिक्रमण काढण्याचे आदेश दिले होते. पण वारंवार पाठपुरावा करुनही अतिक्रमाणावर कारवाई होत नव्हती. त्यामुळे शेतकऱ्याने शोले स्टाईल आंदोलनाचा मार्ग स्वीकारला.