गडचिरोली : नक्षलवाद्यांनी घडवलेल्या स्फोटात दोन पोलिस गंभीर जखमी

गडचिरोलीत माओवाद्यांच्या स्फोटात एक पोलीस अधिकाऱ्यासह दोन पोलीस गंभीर जखमी झाले आहेत. आज सकाळी 6 ते 7 च्या दरम्यान कोरची पकनाभट्टीजवळ माओवाद्यांनी लावलेलं बॅनर काढायला गेले असताना हा स्फोट झाला. यात सहाय्यक पोलीस निरीक्षक अतुल तावडे आणि हवालदार राजेश चाबर दोघेही गंभीर जखमी झाले आहेत. त्यांना हेलिकॉप्टरद्वारे उपचारासाठी नागपूरला रवाना करण्यात आलं आहे.