चंद्रपूर : चार आदिवासी विद्यार्थ्यांकडून 'एव्हरेस्ट' शिखर सर

चंद्रपूर जिल्हयातील चार आदिवासी विद्यार्थ्यांनी माऊंट एव्हरेस्ट सर करुन चंद्रपूर जिल्ह्याची मान अभिमानाने उंच केली आहे.
उमाकांत मढावी, परमेश आले, मनिषा धुर्वे आणि कवीदास काठमोडे अशी त्यांची नावं आहेत. शासकीय आदिवासी आश्रमशाळा जिवती येथील हे विद्यार्थी आहेत. महिन्याभरापूर्वी माऊंट एव्हरेस्ट शिखर सर करण्यासाठी हे चारही विद्यार्थी निघाले होते. त्यानंतर आज त्यांनी एव्हरेस्ट सर केलं.