मुंबई : फोर्ट परिसरात शिवसेनेकडून शिवराय संचलनाचं आयोजन

जय भवानी, जय शिवाजीच्या गर्जनेनं आज मुंबईतील फोर्ट परिसर दणाणला. निमित्त होतं शिवसेनेच्या शिवराय संचलनाचं. ढोल ताशांचा गजर, दांडपट्टा, तलवारबाजीची प्रात्यक्षिकं यावेळी सादर करण्यात आली. या संचलनात पारंपारिक वेषातील मावळे, मराठमोळ्या पेहरावातील हजारो महिला, भगवे फेटेधारी हजारो नागरिक सहभागी झाले होते. भारतीय रिझर्व बँक ते हुतात्मा चौक पासून गेट वे आॅफ इंडिया पर्यंत शिवराय संचलन मिरवणुक निघाली. यावेळी खासदार गजानन किर्तिकर, आनंदराव अडसूळ, अनिल देसाई यांच्यासह शिवसेनेचे अनेक नेते उपस्थित होते.