Latur मध्ये BJP ला मोठा धक्का! जिल्हा मध्यवर्ती सहकारी बँक निवडणुकीत सर्व उमेदवारांचे अर्ज बाद
निशांत भद्रेश्वर, एबीपी माझा
Updated at:
23 Oct 2021 12:45 PM (IST)
Download ABP Live App and Watch All Latest Videos
View In Applatur district co operative bank : लातूर जिल्हा मध्यवर्ती सहकारी बँकेच्या संचालक मंडळाची निवडणूक वादामुळे चांगलीच गाजत आहे. लातूर जिल्हा मध्यवर्ती सहकारी बँकेच्या निवडणुकीत काँग्रेस पक्षाची सरशी होताना दिसत आहे. पुन्हा बँकेची एक हाती सत्ता काँग्रेसकडेच असणार आहे. 19 जागेसाठी होणाऱ्या या निवडणुकीत 70 उमेदवार मैदानात होते. निवडणुकीसाठी 117 अर्ज यावेळी दाखल करण्यात आले होते. अर्जाची छाननी निवडणूक निर्णय अधिकाऱ्यांनी केली आणि भाजपच्या गोटात अस्वस्थता पसरली. कारण अर्ज छाननीमध्ये भाजपच्या सर्व उमेदवारांचे अर्ज हे बाद ठरले. काँग्रेसच्या बंडखोर उमेदवारांचे अर्ज ही बाद ठरले होते. निवडणुकीपूर्वीच काँग्रेसची जिल्हा मध्यवर्ती सहकारी बँकेवर पकड मजबूत होणार आहे हे दिसून येत आहे.