सोलापूर : मृणालिनी फडणवीस सोलापूर विद्यापीठाच्या पहिल्या महिला कुलगुरु

सोलापूर विद्यापीठाचे चौथे कुलगुरू म्हणून आज नागपूरच्या मृणालिनी फडणवीस यांनी पदभार स्वीकारला. सोलापूर विद्यापीठाच्या त्या पहिल्या महिला कुलगुरू ठरल्या. प्रभारी कुलगुरू नितीन करमाळकर यांच्याकडून त्यांनी पदाची सूत्रे हाती घेतली.
नामसाधर्म्यामुळे मृणालिनी फडणवीस या मुख्यमंत्र्यांच्या नातेवाईक आहेत असा मेसेज सोशल मीडियावर व्हायरल होत होता. मात्र आज त्यांनी स्वतःच या चर्चेला पूर्णविराम दिला. फडणवीस आडनावामुळे फायदा नाही तर तोटाच झाल्याचं त्यांनी म्हंटलंय... आडनावात साम्य असलं तरीही आपला  मुख्यमंत्र्यांशी काही संबंध नाही आणि नातं नाही असं त्यांनी स्पष्ट केलं.