नवी दिल्ली : मोदी सरकारविरोधात मोट बांधण्यासाठी सोनियांचा पुढाकार, उद्या विरोधकांची बैठक

दरम्यान केंद्रातील भाजप सरकारविरोधात विरोधकांची मोट बांधण्यासाठी आता सोनिया गांधींनी पुढाकार घेतल्याचं दिसतंय. कारण उद्या म्हणजे 1 फेब्रुवारीला सोनियांनी विरोधी पक्षांची बैठक बोलावली आहे. ज्यात सगळ्या समविचारी पक्षांच्या प्रमुखांना निमंत्रण धाडण्यात आलंय. शिवाय 9 फेब्रुवारीला सोनियांनी या नेत्यांसाठी डिनरचंही आयोजन केलंय. परवाच शऱद पवार यांच्या दिल्लीतील निवासस्थानी विरोधी पक्षांच्या नेत्यांची चर्चा झाली. ज्याचं नेतृत्व काँग्रेसच्या गुलाम नबी आझाद यांनी केलं.
मात्र या बैठकीला बहुजन समाज पक्ष, समाजवादी पार्टीचे प्रतिनिधी उपस्थित नव्हते.