नवी दिल्ली : संसदेच्या हिवाळी अधिवेशनाला उद्यापासून सुरुवात होणार

ऐन हिवाळ्यातल्या कडाक्याच्या थंडीत उद्यापासून दिल्लीत राजकीय वातावरण तापणार आहे. कारण उद्यापासून संसदेचं हिवाळी अधिवेशन सुरु होत आहे. विविध मुद्द्यांवरुन सरकारला कोंडीत पकडण्याचा विरोधकांचा प्रयत्न असेल. अधिवेशन सुरळीत पार पाडावं यासाठी संसदीय कामकाज मंत्री अनंत कुमार आणि सुमित्रा महाजन यांनी काल सर्वपक्षीय नेत्यांची वेगवेगळी बैठक बोलावली. आज या अधिवेशनातली रणनिती ठरवण्यासाठी विरोधकांची बैठक होणार आहे.