Lok Sabha Election | दिल्लीत काँग्रेसच जिंकणार, मतदानानंतर शीला दीक्षित यांची प्रतिक्रिया | ABP Majha

लोकसभेच्या सहाव्या टप्प्यासाठी 7 राज्यातल्या 59 जागांसाठी मतदानाला सुरुवात झाली आहे. अनेक दिग्गजांचं भवितव्य आज ईव्हीएममध्ये बंद होणार आहे. भोपाळमध्ये काँग्रेसच्या दिग्विजय सिंह आणि भाजपच्या साध्वी प्रज्ञामध्ये लढत होते. आज मतदानापूर्वी साध्वी प्रज्ञानं हनुमानाचं दर्शन घेतलं. तिकडे दिल्लीतही लोकसभेच्या 7 जागांसाठी मतदान पार पडतं. उत्तर पूर्व दिल्लीतून भाजपच्या मनोज तिवारी यांच्याविरोधात माजी मुख्यमंत्री शिला दीक्षित यांचं आव्हान आहे.  पूर्व दिल्लीतून गौतम गंभीर विरुद्ध आपच्या आतिषी मर्लेना यांच्यात लढत होते आहे. दिल्लीत अनेक दिग्गजांनी मतदानासाठी हजेरी लावली आहे. भाजप उमेदवार गौतम गंभीरनंही मतदानाचा हक्क बजावला. गुरुग्राममध्ये क्रिकेटपटू विराट कोहलीनंही रांगेत उभा राहत मतदान केलं.