नवी दिल्ली : विमानात पायलट-प्रियसीचं भांडण, सोमय्यांची कारवाईची मागणी

मुंबईकडे येणाऱ्या विमानात वैमानिकानं सहवैमानिक प्रेयसीच्या श्रीमुखात भडकावलीय.
जेट एअरवेजच्या लंडन ते मुंबई उड्डाणदरम्यान वैमानिक आणि सहवैमानिकात झालेल्या भांडणामुळे प्रवाशी आणि केबिन क्रूची चांगलीच भंबेरी उडाली. १ जानेवारीला ही घटना घडली. विशेष म्हणजे विमान हवेत असतानाच दोघे कॉकपीट सोडून गॅलरीत भांडत बसले. क्रूच्या सदस्यांनी विनवणी करून त्यांना दोनदा कॉकपीटमध्ये पाठवलं. बराच फिल्मी ड्रामा झाल्यानंतर कसेबसे विमान उतरवण्यात आलं आणि प्रवाशांचा जीव भांड्यात पडला.