ब्रेकफास्ट न्यूज : देशातील 13 राज्यात वादळी वाऱ्यासह पावसाची शक्यता

देशातील 13 राज्यात आज वादळी वाऱ्यासह मुसळधार पाऊस होण्याची शक्यता हवामान खात्याने वर्तवली आहे. ईशान्यकडील राज्ये आणि उत्तर भारतातील जम्मू काश्मीर, उत्तराखंड, हिमाचल प्रदेश , हरियाणा आणि पंजाब अशा राज्यांमध्ये खबदारीच्या उपाययोजना करण्यात आल्या आहेत. वादळी वाऱ्याच्या शक्यतेमुळे हरियाणा सरकारने खासगी आणि सरकारी शाळांना आज आणि उद्या सुट्टी जाहीर केली आहे. चारच दिवसांपूर्वी उत्तरप्रदेशच्या पश्चिम भागात धुळीच्या वादळानं 127 हून अधिक जणांचा जीव घेतला होता.