नवी दिल्ली : शहीदांच्या कुटुंबांसाठी केवळ एका तासात 13 कोटी जमा

शहीद जवानांच्या कुटुंबियांसाठी सुरु करण्यात आलेल्या वेबसाईटच्या माध्यमातून फक्त एका तासात 13 कोटी रुपयांचं दान आलं आहे. केंद्रीय गृहमंत्रालयानं हा उपक्रम सुरु केला आहे. भारत के वीर या वेबसाईटच्या प्रसारासाठी एक गाणंही तयार केलं गेलं. या गीताच्या उद्गघाटन सोहळ्यावेळी अभिनेता अक्षय कुमारनं लोकांना मदतीसाठी आवाहन केलं होतं. आपल्या आवाहनाला प्रतिसाद देत लोकांनी सढळहस्ते केलेल्या मदतीवर अक्षय कुमारनं ट्विटरच्या माध्यमातून कौतुक केलं आहे.