जळगाव : कैऱ्या तोडल्याने अल्पवयीन मुलाला दोन तास झाडाला बांधलं,शेतमालकानं केला व्हिडीओ व्हायरल

झाडावरून कैऱ्या तोडल्या म्हणून शेतमालकासह सालदाराने दलित समाजातील एका अल्पवयीन मुलाला 2 तास झाडाला बांधून ठेवले. त्याचा मोबाईलमध्ये व्हिडिओ काढून तो व्हाट्सअपवर व्हायरल केल्याची घटना जळगाव जिल्ह्यातील भडगाव तालुक्यतील अंजन विहिरे गावात घडली असल्यांने मोठी खळबळ उडाली आहे धक्कादायक म्हणजे, शेतमालकाने त्या मुलाच्या अंगावर लघवी देखील केली असल्याच पीडित मुलाने आपल्या फिर्यादीत  म्हटले  आहे या  घटना प्रकरणी भडगाव पोलीस ठाण्यात शेतमालकासह सालदारावर गुन्हा दाखल झाला असून, दोघांना पोलिसांनी अटक केली आहे.