Manish Sisodia : दिल्लीच्या वादग्रस्त मद्य धोरणाप्रकरणी मनीष सिसोदियांच्या बॅंक लॉकरची झडती

दिल्लीच्या वादग्रस्त मद्य धोरणाप्रकरणी सीबीआयने मंगळवारी उपमुख्यमंत्री मनीष सिसोदिया यांच्या लॉकरची झडती घेतली. गाझियाबादच्या वसुंधरा सेक्टर 4 च्या पंजाब नॅश्नल बँकेत सिसोदियांचे लॉकर आहे.  कारवाई सुरु असताना कुणालाही आत किंवा बाहेर जाण्याची परवानगी नव्हती. खातेधारकाच्या परवानगी व उपस्थितीशिवाय लॉकर खोलता येत नाही. त्यामुळे मनीष सिसोदिया व त्यांच्या पत्नी सीमा यांना तिथे बोलावण्यात आले होते. तपासानंतर  सीबीआयला लॉकरमध्ये काहीच आढळले नाही. माझे कुटुंब निर्दोष आढळले आहे. मला तुरुंगात पाठवण्याची तयारी होत आहे. असा आरोप सिसोदियांनी केला.