चंद्रपूर : विदर्भातील शेतकऱ्यांनी कोरफडीची लागवड करावी, आम्ही खरेदी करु : बाबा रामदेव

विदर्भातील शेतकऱ्यांनी कोरफडीची लागवड करावी. पतंजली सर्व कोरफड बांधावर येऊन विकत घेईल.. असं आश्वासन योगगुरु रामदेव बाबा यांनी दिलंय.
चंद्रपूर जिल्ह्यातील मूल शहरात शेतकरी मेळाव्याचं आयोजन करण्यात आलं. त्यावेळी रामदेवबाबा बोलत होते.एका एकरातून किमान एक लाखांच्या उत्पन्नाची हमीही त्यांनी दिली. यातून येत्या ५ वर्षात शेतकऱ्याना ५००० कोटी रुपये वाटणार असल्याचंही त्यांनी सांगितलंय. मूल शहरात योगगुरु स्वामी रामदेव यांच्या ३ दिवसीय योगशिबिराचा आजचा दुसरा दिवस आहे.