बुलडाणा : बाळाच्या जन्मानंतर फक्त 1 मिनिट 48 सेकंदात 'आधार'कार्ड मिळालं

बुलडाण्यातील एका नवजात मुलीला अवघ्या पावणे दोन मिनिटात आधार कार्ड मिळालं आहे. आधार नोंदणीचा हा अनोखा विक्रम खामगावातल्या अग्रवाल कुटुंबीयांनी आणि आधार नोंदणी अधिकाऱ्यांनी केला.

खामगावातील जलंब रोडवर एका खाजगी रुग्णालयात पहाटे शिल्पा अग्रवाल दाखल झाल्या होत्या. त्यांनी 18 एप्रिलला सकाळी आठ वाजता मुलीला जन्म दिला.

बाळाचे वडील आकाश अग्रवाल यांनी लगेचच लेकीची आधार कार्डसाठी नोंदणी केली. या नोंदणीनंतर अग्रवाल यांची कन्या साचीला पुढच्या 1 मिनिट 48 सेकंदात आधार कार्ड मिळालं.