ब्रेकफास्ट न्यूज : 26/11 मुंबई हल्ल्यातील दोषी डेव्हिड हेडलीवर जीवघेणा हल्ला

मुंबईतील 26/11 हल्ल्याच्या सूत्रधारांपैकी एक असलेल्या डेव्हिड कोलमन हेडली याच्यावर अमेरिकेतील तुरुंगात हल्ला झाला. शिकागोतील तुरुंगात त्यांच्यावर 8 जुलै रोजी हल्ला झाला असून, त्याच्यावर रुग्णालयात उपचार सुरु आहेत. मात्र, त्याची प्रकृती चिंताजनक असल्याचं समजतं. 26/11 च्या मुंबईतील दहशतवादी हल्ल्याप्रकरणी माफीचा साक्षिदार झालेला हेडली सध्या शिकागोतील तुरुंगात शिक्षा भोगत आहे. 8 जुलैला दोन कैद्यांनी त्याच्यावर जीवघेणा हल्ला केला. हा हल्ला त्यांनी नेमका का केला हे मात्र अद्याप समजू शकलेलं नाही.