Fake TC | तोतया टीसी बनून प्रवाशांना लुटणाऱ्याला बेड्या | मुंबई | ABP Majha

दिवसा वकिली करा आणि रात्री तोतया टीसी बनून प्रवाशांना लुटणाऱ्याला पोलिसांनी बेड्या ठोकल्या आहेत. मनोज साबू असं या भामट्याचं नाव असून तो बोरिवलीचा रहिवाशी आहे. मनोज साबू बोरिवली कोर्टात वकिली करतो. मात्र रात्री बोरिवली स्थानकावर तो कधी तोतया पोलीस बनून प्रवाशांना लुटायचा तर कधी टीसी...रेल्वे पोलिसांना संशय आल्याने त्याला ताब्यात घेतलं असता त्याचा प्रताप समोर आला. विशेष म्हणजे ज्या न्यायालयात तो वकिली करायचा त्याच न्यायालयात त्याला आरोपी म्हणून हजर करण्यात आलं होतं.