नाशिक : भाजप नगरसेवक संभाजी मोरुस्करांची टूर अँड ट्रॅव्हल्स कंपनीकडून फसवणूक

नाशिक महापालिकेतील भाजपचे गटनेते संभाजी मोरुस्कर यांना एका टुर्स अँड ट्रॅव्हल्स कंपनीने लाखो रुपयांचा गंडा घातल्यांचं समोर आलं आहे. मोरुस्कर आणि त्यांचे मित्र सहकुटुंब युरोपवारीला जाणार होते. त्यासाठी प्रत्येकी दीड लाख रुपये असे एकूण १५ लाख रुपये त्यांनी ट्रॅव्हल्स कंपनीकडे जमा केले होते. मात्र अनेक महिने उलटून गेले तरी मोरुस्करांना बुकिंग मिळालं नाही. त्यामुळे ट्रॅव्हल्स कंपनीविरोधात नाशिकच्या पंचवटी पोलिस ठाण्यात गुन्हा दाखल करण्यात आला आहे. चारच दिवसांपुर्वी भाजपचे माजी मंत्री बबनराव घोलप यांची फसवणुक झाल्याचं उघडकीस आलं होतं. व्हिआयपी नंबर देण्याच्या बहाण्याने घोलप यांची फसवणूक झाली होती.