भिवंडी : कंटेनरखाली रिक्षाचा चुराडा, सुदैवाने जीवितहानी नाही

भिवंडी शहरातील म्हाडा कॉलोनी परिसरात कंटेनर उलटल्याने वाहतुकीची मोठी कोंडी झाली आहे. शहरात 1 ते 2 किलोमीटरपर्यंत वाहनाच्या रांगा लागल्या आहेत. घटनास्थळी पोलीस दाखल झाले असून वाहतूक सुरुळीत करण्याचे प्रयत्न सुरु आहेत. हा कंटेनर मुंबईहून वाडाच्या दिशेने जात होता. त्यावेळी रस्त्यातील दुभाजकला वाचवताना कट मारला असता कंटेनर पलटी झाला. हा कंटेनर रस्त्याच्या कडेला असलेल्या रिक्षावर पडल्याने यात रिक्षाचा चुराडा झाला. सुदैवाने या घटनेत कोणतीही जीवितहानी झाली नाही.