भिवंडी : राहनाळमधील गोडाऊनला भीषण आग, 6 गोदामं जळून खाक

भिवंडीतल्या राहणाळ इथल्या ट्रान्सपोर्ट गोडाऊनला भीषण आग लागून एकूण ६ गोडाऊन जळून खाक झाली आहेत. काल मध्यरात्री  न्यु स्वागत कंपाऊंड इथल्या श्री हर्ष कॅरियर ट्रान्सपोर्ट कंपनीच्या गोदामास ही आग लागली. हा भाग भिवंडी शहरातील  राहनाळ ग्रामपंचायत हद्दीत येतो.  आगीनं सुरवातीला तळमजल्या वरील तीन गोदामांमध्ये पेट घेतला.त्यामुळे लाखो रुपये किमतीचा तयार कपड्यांच्या ताग्यांचा बंडलांचा साठा जाळून खाक झाला. घटनास्थळी भिवंडी , कल्याण , ठाणे अग्निशामक दलाचे सहा  फायर इंजन आणि  टँकर दाखल आहेत. अजून आगीवर नियंत्रण मिळवण्याचे प्रयत्न सुरु आहेत.