Rikshaw Accident | पुलावरुन वडाप रिक्षा 80 फूट खोल नदीत, 6 महिलांचा मृत्यू | भंडारा | ABP Majha

भंडारा जिल्ह्याच्या साकोली तालुक्यातील धर्मापुरी गावालगत असलेल्या पुलावर काळी पिवळी गाडीचा भीषण अपघात झाला आहे. काळी पिवळी गाडी अनियंत्रित होऊन 80 फूट खाली नदीत पडल्याचं समोर आलं आहे. या दुर्घटनेत पाच मुली व एका महिलेचा जागीच मृत्यू झाला आहे. तर अपघातात सहा प्रवासी गंभीर आहेत साकोली तालुक्यातील धर्मापुरी या गावालगत असलेल्या पुलावर दुपारच्या सुमारास हा अपघात झाला. अनियंत्रित होऊन काळी पिवळी गाडीचा तोल सुटला आणि ती पुलावरुन 80 फूट खाली चुलबंद नदी पात्रात पडली. नदीत पाणी कमी असले तरीही एवढ्या उंचावरुन पडल्यामुळे गाडीत सवार असलेल्या पाच मुली आणि एक महिला जागीच ठार झाल्या, तर उर्वरित सहा प्रवासी आणि चालक गभींर जखमी झाले आहेत. जखमींना साकोली येथील सामान्य रुग्णालयात भरती करण्यात आले आहे .