विधानपरिषद निवडणूक निकाल: कुठे कोणाची बाजी?

विधानपरिषदेच्या चार जागांसाठी झालेल्या मतदानाचा निकाल अखेर जाहीर झाला. कोकण पदवीधर, मुंबई पदवीधर, तर मुंबई शिक्षक आणि नाशिक विभाग शिक्षक मतदारसंघाच्या जागांचा निकाल जाहीर झाला.

कोकण पदवीधर मतदारसंघात भाजपच्या निरंजन डावखरे यांनी विजय मिळवला. मुंबई पदवीधरमध्ये शिवसेनेच्या विलास पोतनीस यांनी बाजी मारली. तर मुंबई शिक्षक मतदारसंघात लोकभारतीचे कपिल पाटील यांनी विजयी हॅटट्रिक केली. तिकडे नाशिक शिक्षक मतदारसंघात शिवसेनेच्या किशोर दराडेंनी मोठा विजय मिळवला.

या निवडणुकीत सर्वच राजकीय पक्षांनी आपली ताकद लावली होती. त्यामुळे या निकालात कोण बाजी मारणार, याकडे सर्वांचे लक्ष लागलं होतं. शिवसेना आणि भाजप यांच्यात मुख्य लढत होती.

चारपैकी दोन जागा शिवसेनेने, एक भाजप आणि एक लोकभारती पक्षाने जिंकली.