औरंगाबाद : स्वातंत्र्यवीर सावरकरांच्या पुतळ्यावर शाईफेक, सावरकरप्रेमींचा रास्तारोको

औरंगाबादमध्ये सावरकरांच्या पुतळ्यावर शाईफेक झाल्याचा प्रकार घडलाय. सावरकर चौकात असलेल्या सावरकरांच्या पुतळ्यावर अज्ञात व्यक्तीने रात्री उशिरा शाई फेकल्याचा प्रकार घडला. ही बाब समजताच पोलिसांनी तातडीने घटनास्थळी बंदोबस्त लावला आणि काही वेळातच महानगरपालिकेच्या अग्निशमन पथकानं पुतळा धुऊनही काढला. तर सावरकर प्रेमींनी पुतळ्याला दुग्धाभिषेक घातला. आता सावरकर प्रेमींनी आणि कार्यकर्त्यांनी पुतळ्यावरील शाईफेकीविरोधात रास्ता रोको केलाय.