औरंगाबाद : अमेझॉनचे संस्थापक जेफ बेजोस यांची वेरुळ लेण्यांना भेट

जगातील सर्वात श्रीमंत उद्योगपती अॅमेझॉनचे सर्वेसर्वा जेफ बेजोस हे सहकुटुंब महाराष्ट्राच्या दौऱ्यावर आहेत. त्यांनी आज औरंगाबादेतील अंजिठा आणि वेरुळच्या जगप्रसिद्ध लेण्यांना भेट दिली. बेजोस हे एका खासगी विमानाने औरंगाबादेत आल्याची माहिती मिळतेय. अॅमेझॉनचे संस्थापक आणि सीईओ असलेल्या बेजोस यांच्या संपत्तीचं एकूण मूल्य १४१ पूर्णांक ९ अब्ज डॉलर इतकं आहे. फोर्ब्सने नुकत्याच जाहीर केलेल्या जगातील श्रीमंत व्यक्तींच्या यादीत बेजोस हे पहिल्या क्रमांकावर आहेत.